PAGLANTAW: Lingaw sa Ilaja Likod sa Pandemya

SURIGAO CITY- Likud sa pandemya, naningkamot gihapon an mga bata para mabalik an naandan na kinabuhi nila. Bisan naka-facemask Makita nimo an ngisi sa mata nan mga bata na nagduwa-duwa jaun sa dayan nagpatunga. Matan-aw gajud nimo an kanunay na kalipay, bisan adunay katalagman saila taghuy-an.

Pero bisan unsaon, di gajud makalimtan an epekto nan kahapon! Sa amo pagsusi saini na lugar, Makita nimo an pagbag-o nan kinabuhi dire sa Brgy. Anomar, labi na sa mga bata, na sa pagskuyla kay maglisud jud sila pagplastar.

Waya kami nagdahom na saamo pagbusisi, jauy amo masugatan. Dire, nakilaya namo an 18-anyos na estudyante na si Renier Arandid, na sa pagskuyla naningkamot gihapon bisan Modyular. “Lisud gajud an pagskuyla, labina kay Pandemya,” litok ni Arandid.

Sa pagpadajun nan amo pagtuki sa Brgy. Anomar, nasugatan namo an Sanguniang Kabataan (SK) Chairman na si John Wayne Havard, kun diin naghisgot bahin sa kahimtang nan taga-Anomar. “Stressful gajud an modyular na pamaagi sa pagskuyla, labina kay nakalitan ra sila. Pero bisan ing-ani, wayay reklamo an mga estudyante dire.

Dugang ni Havard na bisan sa kalisud, ini na mga bata naningkamot gihapon para sa ila kaugmaon. “Waya nay ako lain mahangyo kundi magtinabangay kita, dili magpasagda ug unta magmalinawon kita para malampos na’to ini na kalbaryo.”

Gikan sa mga panginahanglan mapabayay o skuylahan, hangtod sa pang adlaw-adlaw na jagan sa kinabuhi-- sila nagpadajun gihapon kay an kinabuhi dili pwede muhunong biskan pa uno kalisod an dayan na agihanan. Ing-ani an lingaw sa kinabuhi nan mga lumad nan Anomar.

Written by: Gel Vallespin